ബോഗിക്കുള്ളില്‍ കുടുങ്ങിക്കിടന്ന മുഴുവന്‍ പേരെയും രക്ഷപ്പെടുത്തിയതോടെ രക്ഷാപ്രവര്‍ത്തനം അവസാനിപ്പിച്ചു. അപകട കാരണത്തെകുറിച്ച് അന്വേഷിക്കുമെന്നും കൂടുതല്‍ മെഡിക്കല്‍ സംഘത്തെ സ്ഥലത്തേക്ക് അയച്ചിട്ടുണ്ടെന്നും റെയില്‍മന്ത്രി സുരേഷ് പ്രഭു ട്വീറ്റ് ചെയ്തു. അപകടത്തെതുടര്‍ന്ന് കാന്‍പൂര്‍ പാതയില്‍ ട്രെയിന്‍ ഗതാഗതം തടസ്സപ്പെട്ടു. 140ലേറെപേര്‍ മരിച്ച ഇന്‍ഡോര്‍-പാറ്റ്ന എക്‌സ്‌പ്രസ് ദുരന്തത്തിന് ഒരു മാസം പിന്നിടുമ്പോഴാണ് കാന്‍പൂരില്‍ വീണ്ടും ട്രെയിന്‍ അപകടം ഉണ്ടായത്.