ജാര്ഖണ്ഡിലെ ധന്ബാദില് കല്ക്കരി ഖനി ഇടിഞ്ഞ് വീണുണ്ടായ അപകടത്തില് ആറു തൊഴിലാളികള് മരിച്ചു. അമ്പതോളം പേര് ഇപ്പോഴും ഖനിക്കുള്ളില് കുടുങ്ങിക്കിടക്കുന്നതായാണ് റിപ്പോര്ട്ട്.
പുട്കി ബിഹാരിയിലെ ബിസിസിഎല്ലിന്റെ ഉടമസ്ഥതയിലുള്ള ഖനിയില് വ്യാഴാഴ്ച അർധരാത്രിയിലായിരുന്നു അപകടം. ഖനിയില് ജോലി നടക്കുന്നതിനിടെ ഒരു ഭാഗം ഇടിഞ്ഞ് വിഴുകയായിരുന്നു. ഖനിയിലുപയോഗിക്കുന്ന ട്രക്കുകള് അടക്കം നാല്പ്പതോളം വാഹനങ്ങളും കുടുങ്ങിയിട്ടുണ്ട്.
കനത്ത മഞ്ഞിനെ തുടർന്ന് ഇന്നു രാവിലെയാണ് രക്ഷാപ്രവർത്തനം ആരംഭിക്കാനായത്. രക്ഷാപ്രവര്ത്തനം തുടരുകയാണ്. പട്നയില് നിന്ന് ദേശീയ ദുരന്ത നിവാരണ സേന സ്ഥലത്തേക്ക് തിരിച്ചിട്ടുണ്ട്.
Comments