കൊച്ചി :ധര്മ്മടം കൊലപാതകവുമായി ബന്ധപ്പെട്ട് സിപിഐഎമ്മിനെതിരെയുള്ള ആരോപണങ്ങള് അന്വേഷിക്കണന്ന് സംസ്ഥാന സെക്രട്ടറി കോടിയേരി ബാലകൃഷ്ണന്. കേസിലെ പ്രതികളെ കണ്ടെത്തി എത്രയും വേഗം നിയമത്തിനുമുന്നില് കൊണ്ടുവരണമെന്ന് ഡിജിപിയോട് അഭ്യര്ഥിച്ചതായും കോടിയേരി പറഞ്ഞു. കണ്ണൂരിലെ ബിജെപി പ്രവര്ത്തകന്റെ കൊലപാതകവുമായി സിപിഐഎമ്മിന് ബന്ധമില്ല. സംഭവത്തിനു പിന്നില് രാഷ്ട്രീയ കാരണങ്ങള് അല്ലെന്നാണ് അറിയുന്നത്. പ്രതികളാരായാലും പിടികൂടണം. കൊലപാതകികളെ സംരക്ഷിക്കുന്ന നിലപാട് സിപിഐഎം സ്വീകരിക്കില്ലെന്നും കോടിയേരി പറഞ്ഞു. ദളിത് പ്രശ്നങ്ങള് ഏറ്റെടുക്കുമെന്ന ബിജെപി സംസ്ഥാന നേതൃയോഗത്തിന്റെ പ്രഖ്യാപനത്തെയും കോടിയേരി ചോദ്യം ചെയ്തു. രാജ്യത്ത് ബിജെപി നടത്തുന്ന ദളിത് വേട്ടയില് നിന്നും ജനദ്രോഹത്തില് നിന്നും ശ്രദ്ധതിരിയ്ക്കാനാണ് കേരളത്തിലെ ദളിത് പ്രശ്നങ്ങള് ഏറ്റെടുക്കുമെന്ന ബിജെപി സംസ്ഥാന നേതൃയോഗത്തിന്റെ പ്രഖ്യാപനം. കേരളത്തില് ഭൂമി പിടിച്ചെടുക്കല് സമരം നടത്തുമെന്ന് പറയുന്ന ബിജെപിയ്ക്ക് അവര് ഭരിയ്ക്കുന്ന ഏതെങ്കിലും സംസ്ഥാനത്ത് ഭൂപരിഷ്ക്കരണം നടത്താന് ധൈര്യമുണ്ടോ എന്നും കോടിയേരി ബാലകൃഷ്ണന് ചോദിച്ചു.
Comments