നീതി നൽകാത്ത കേന്ദ്ര ബജറ്റാണ് അവതരിപ്പിക്കപ്പെട്ടതെന്ന് മുഖ്യമന്ത്രി പിണറായി വിജയൻ.നിയന്ത്രണങ്ങള് നീക്കാനും സഹകരണബാങ്കുകള്ക്ക് ഇതര വാണിജ്യ ബാങ്കുകള്ക്കുള്ളതിനു തുല്യമായ സ്വാതന്ത്ര്യം അനുവദിച്ചുനല്കാനും വേണ്ട നിര്ദേശങ്ങള് കേരള സര്ക്കാര് മുമ്പോട്ടുവെച്ചിരുന്നു. ഇത് ബജറ്റില് പരിഗണിച്ചില്ലെന്നും മുഖ്യമന്ത്രി കുറ്റപ്പെടുത്തി. സഹകരണമേഖലയെ സാധാരണാവസ്ഥയിലേക്കു കൊണ്ടുവരാനും സഹകരണമേഖലയിലെ വായ്പയെ ആശ്രയിക്കുന്ന ജനങ്ങള്ക്ക് ആശ്വാസമരുളാനുമുള്ള നിര്ദേശങ്ങളാണ് നിരാകരിക്കപ്പെട്ടത്. നോട്ട് റദ്ദാക്കലിനെത്തുടര്ന്ന് ദേശീയതലത്തിലുണ്ടായ സാമ്പത്തിക മരവിപ്പ് മുറിച്ചുകടക്കാനുള്ള ഒരു നടപടിയും കേന്ദ്ര ബജറ്റിലില്ല. ബജറ്റില് ഉള്പ്പെടുത്താനായി പ്രീ-ബജറ്റ് ചര്ച്ചാഘട്ടത്തില് കേരളം മുമ്പാട്ടുവെച്ച നിര്ദേശങ്ങള്ക്ക് ബജറ്റില് പരിഗണനയുണ്ടായിട്ടില്ല. നോട്ട് റദ്ദാക്കലും അനുബന്ധ നടപടികളും സംസ്ഥാന സഹകരണമേഖലയെ കടുത്ത വിഷമത്തിലാക്കിയിരുന്നു. തൊഴിലുറപ്പു പദ്ധതികള് ഫലപ്രദമാക്കാന് തക്കവിധമുള്ള വര്ധന ബജറ്റില് ഇല്ല. തീരെ അപര്യാപ്തമാണ് ഇതിനുള്ള തുക.
Comments