എഡിഎംകെ എംഎൽഎമാർ എവിടെയെന്ന് മദ്രാസ് ഹൈക്കോടതി. എംഎൽഎമാരെക്കുറിച്ച് വിവരങ്ങൾ അറിയിക്കാൻ പോലീസിനോട് കോടതി ആവശ്യപ്പെട്ടു. എംഎൽഎമാരെ ഹാജരാക്കണമെന്ന് ആവശ്യപ്പെട്ട് സമർപ്പിച്ച ഹേബിയസ് കോർപ്പസ് ഹർജി പരിഗണിക്കുന്നതിനിടെയാണ് കോടതിയുടെ ചോദ്യം.
എംഎൽഎമാരെ ശശികല തടവിൽ പാർപ്പിച്ചിരിക്കുന്നുവെന്നാണ് ഹർജിയിലെ ആരോപണം. വ്യാഴാഴ്ച ഹേബിയർ കോർപ്പസ് ഹർജി പരിഗണിച്ചപ്പോൾ എംഎൽഎമാർ എല്ലാം സ്വതന്ത്രരാണെന്നും അവർ എംഎൽഎ ഹോസ്റ്റലുകളിൽ ഉണ്ടെന്നുമാണ് സർക്കാർ അഭിഭാഷകൻ കോടതിയെ അറിയിച്ചത്. ഇതേതുടർന്നാണ് ഹർജി ഇന്നത്തേക്ക് മാറ്റിയത്.
Comments