ചെന്നൈ∙ സുപ്രീം കോടതി അനധികൃത സ്വത്തുസമ്പാദനക്കേസിൽ ശിക്ഷിച്ച വി.കെ. ശശികല ബെംഗളൂരു പ്രത്യേക കോടതിയിൽ എത്തി കീഴടങ്ങി. ഇളവരശിയും കീഴടങ്ങാനെത്തി. ജയിൽ വളപ്പിൽ തയാറാക്കിയ പ്രത്യേക കോടതി മുറിയിലാണ് ശശികല ഹാജരായത്. കനത്ത സുരക്ഷ പാരപ്പന അഗ്രഹാര ജയിൽ പരിസരത്ത് ഒരുക്കി. ജയിലിന്റെ മൂന്നു കിലോമീറ്റർ ചുറ്റളവിൽ നിരോധനാജ്ഞയും പുറപ്പെടുവിച്ചിട്ടുണ്ട്.ശശികലയുടെ ഭർത്താവ് എം. നടരാജനും കോടതിയിൽ എത്തി.