കൊച്ചി : നടി അതിക്രമത്തിന് ഇരയായ ക്വട്ടേഷൻ പ്രതികളിലൊരാളായ മണികണ്ഠനെ പാലക്കാട്ടെ നിന്നു പൊലീസ് പിടികൂടി.കഴിഞ്ഞ ദിവസം കോയമ്പത്തൂരിൽ അറസ്റ്റിലായ കേസിലെ പ്രതികൾ വടിവാൾ സലിമിനെയും പ്രദീപിനെയും അന്വേഷണ സംഘം ആലുവ മജിസ്ട്രേട്ടിന്റെ വസതിയിൽ ഹാജരാക്കി റിമാൻഡ് ചെയ്തു. ഇതോടെ പിടിയിലായവരുടെ എണ്ണം നാലായി. സുനിൽകുമാറിന്റെ (പൾസർ സുനി) അതിക്രമത്തിനു ശേഷം ആരെയോ വിളിച്ചു നടന്ന കാര്യങ്ങൾ പറഞ്ഞു പൊട്ടിച്ചിരിച്ചതായി അന്വേഷണ സംഘത്തിനു വിവരം ലഭിച്ചു. പണത്തിനു വേണ്ടിയാണു നടിയുടെ യാത്രാ വിവരം ചോർത്തിയതെന്നു മാർട്ടിൻ സമ്മതിച്ചു.