കോൺഗ്രസുമായി സഖ്യം വേണമെന്ന നിലപാട് ആവർത്തിച്ച് സിപിഐ. കോൺഗ്രസിനെ ഒഴിവാക്കി വർഗ്ഗീയ വിരുദ്ധ മുന്നണി സാധ്യമല്ലെന്ന് സിപിഐ വ്യക്തമാക്കി. വെള്ളിയാഴ്ച തുടങ്ങുന്ന സിപിഐ ദേശീയ കൗൺസിൽ കോൺഗ്രസുമായും സഖ്യം വേണമെന്ന് നിർദ്ദേശിക്കുന്ന റിപ്പോർട്ടിന് അംഗീകാരം നല്കും. സംഘപരിവാറിനെതിരെ കോൺഗ്രസ് കൂടി ഉൾപ്പെട്ട വിശാലസഖ്യം വേണമെന്ന സിപിഐയുടെ നിലപാട് സിപിഎം നേരത്തെ തള്ളിയിരുന്നു.ബിജെപിയേയും കോൺഗ്രസിനെയും ഒരു പോലെ എതിർക്കുമെന്ന് ജനറൽ സെക്രട്ടറി സീതാറാം യെച്ചൂരി തന്നെ ഇന്നലെ പറഞ്ഞിരുന്നു. എന്നാൽ കോൺഗ്രസ് ഇല്ലാതെയുള്ള ഒരു മതേതരസഖ്യം പ്രായോഗികമല്ല എന്ന നിലപാടിൽ ഉറച്ചു നില്ക്കുന്നു എന്ന് സിപിഐ വ്യക്തമാക്കി