സൗദിയില്‍ കിരീടാവകാശിയും ആഭ്യന്തര മന്ത്രിയുമായ മുഹമ്മദ്‌ ബിന്‍ നായിഫ് രാജകുമാരനെ സ്ഥാനത്ത് നിന്നും നീക്കി. പകരം രണ്ടാം കിരീടാവകാശിയും സല്‍മാന്‍ രാജാവിന്റെ മകനുമായ മുഹമ്മദ്‌ ബിന്‍ സല്‍മാനെ കിരീടാവകാശിയായി രാജാവ് പ്രഖ്യാപിച്ചു. അബ്ദുല്‍ അസീസ്‌ ബിന്‍ സൗദ് ബിന്‍ നായിഫ് രാജകുമാരനാണ് പുതിയ ആഭ്യന്തര മന്ത്രി. കഴിഞ്ഞ ദിവസം മക്കയില്‍ ചേര്‍ന്ന സൗദി രാജകുടുംബാംഗങ്ങളുടെ അന്തനരാവകാശ സമിതിയുടെ യോഗത്തിലാണ് സുപ്രധാനമായ തീരുമാനം ഉണ്ടായത്. 43 അംഗങ്ങളില്‍ 31 അംഗങ്ങളും മുഹമ്മദ്‌ ബിന്‍ സല്‍മാന്‍ രാജകുമാരനെ കിരീടാവകാശിയായി അംഗീകരിച്ചതായി സൗദി പ്രസ് ഏജന്‍സി റിപ്പോര്‍ട്ട് ചെയ്തു. പ്രതിരോധ മന്ത്രിയായി സേവനമനുഷ്ടിച്ച മുഹമ്മദ്‌ ബിന്‍ സല്‍മാന്‍ രാജകുമാരന്‍ സൗദി വിഷന്‍ 2030 വികസന പദ്ധതിയുടെ പ്രധാന ശില്‍പിയാണ്.
Comments