അമേരിക്കയില്‍ ഇന്ത്യന്‍ വംശജനെ ബന്ധു കുത്തിക്കൊന്നു. ശരണ്‍ജിത് സിങ് എന്ന യുവാവാണ് ന്യൂയോര്‍ക്കിലെ വസതിയില്‍വെച്ച് കൊല്ലപ്പെട്ടത്. കഴിഞ്ഞ തിങ്കളാഴ്ച (ജൂണ്‍ 26 ) ബന്ധുവായ ലവ്ദീപ് സിങ്ങാണ് കൊലപാതകം നടത്തിയത്. ഇരുവരും തമ്മില്‍ നടന്ന വാക്കുതര്‍ക്കത്തിനിടെ ശരണ്‍ജിത്തിന്റെ കഴുത്തിന് കുത്തേല്‍ക്കുകയായിരുന്നു. ലവ്ദീപിനെ പോലീസ് അറസ്റ്റ് ചെയ്തിട്ടുണ്ട്. കുറ്റം തെളിഞ്ഞാല്‍ 25 വര്‍ഷം തടവ് ശിക്ഷ ഇയാള്‍ അനുഭവിക്കണം. അതേസമയം കൊലപാതകത്തിന്റെ കാരണങ്ങള്‍ വ്യക്തമല്ലെന്നാണ് പോലീസ് പറയുന്നത്.