സൂര്യനെല്ലിക്കേസില്‍ ഹൈക്കോടതി ശിക്ഷിച്ചവരുടെ ജാമ്യാപേക്ഷ സുപ്രീംകോടതി മാറ്റി വച്ചു. കേസിലെ പ്രതികളായ ജേക്കബ് സ്റ്റീഫന്‍, വര്‍ഗ്ഗീസ്, ജോസ് എന്നീ പ്രതികളുടെ ജാമ്യാപേക്ഷയാണ് സുപ്രീംകോടതി മാറ്റിവച്ചത്. അടിയന്തരമായി പരിഗണിക്കതക്ക പ്രാധാന്യമൊന്നും ഹര്‍ജിക്കില്ലെന്ന നിരീക്ഷണത്തോടെയാണ് ജാമ്യാപേക്ഷകള്‍ മാറ്റി വച്ചത്. ഹൈക്കോടതി ജീവപര്യന്തം തടവിന് ശിക്ഷിച്ച ഈ പ്രതികളുടെ ജാമ്യാപേക്ഷയും മറ്റു പ്രതികളുടെ അപ്പീലുകളും ഇനി ഒരുമിച്ചാവും കോടതി പരിഗണിക്കുക.