കൊല്ലം ചിന്നക്കടയിൽ വൻ തീപിടിത്തം. നിരവധി കടകൾ തീപിടിത്തത്തിൽ കത്തി നശിച്ചു. ചിന്നക്കട പായിക്കട റോഡിലാണ് തീപിടിത്തമുണ്ടാ‍യത്. തീ കൂടുതൽ കടകളിലേക്ക് പടരുകയാണെന്നാണ് റിപ്പോർട്ട്.  അഗ്നിശമന സേനയുടെ 18 യൂണിറ്റുകൾ സ്ഥലത്തെത്തിയാണ് തീ നിയന്ത്രണ വിധേയമാക്കിയത്. രാവിലെ ആറു മണിയോടെ ഇവിടെയുള്ള ഒരു ഹോട്ടലില്‍ നിന്നാണ് ആദ്യം തീ പടര്‍ന്നത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രധാമിക വിലയിരുത്തല്‍. അഞ്ച് കോടി രൂപയുടെ നാശനഷ്ടമുണ്ടായതായി കാണക്കാക്കുന്നു. നഗരത്തിലെ പ്രധാന വ്യാപാര കേന്ദ്രമാണ് ചിന്നക്കടയില്‍ തീപിടിച്ച സ്ഥലം.