പ്രായപൂര്ത്തിയാകാത്ത ബംഗ്ലാദേശി പെണ്കുട്ടിയെ പീഡിപ്പിച്ച കേസില് രണ്ട് പേരെ കോടതി ശിക്ഷിച്ചു. കേസിലെ മൂന്നാം പ്രതിക്ക് ജീവപര്യന്തം തടവും, നാലാംപ്രതിക്ക് 10വര്ഷം കഠിന തടവുമാണ് കോഴിക്കോട്ടെ പോക്സോ കോടതി വിധിച്ചത്. കേസിലെ നാല് പ്രതികള് ഒളിവിലാണ്.
പെണ്കുട്ടിയെ ലൈംഗികമായി പീഡിപ്പിച്ചതിന് മൂന്നാംപ്രതി എറണാകുളം കടവന്ത്ര സ്വദേശി ഷമീറിന് ജീവപര്യന്തം തടവും ഒരു ലക്ഷം രൂപ പിഴയുമാണ് ശിക്ഷ. സംഭവത്തില് മനുഷ്യകടത്തും തെളിഞ്ഞതിനാല് 370ാം വകുപ്പ പ്രകാരം 10 വര്ഷം തടവും 25000 രൂപ പിഴയും ഇയാള്ക്കെതിരെ ചുമത്തിയിട്ടുണ്ട്. ശിക്ഷ ഒന്നിച്ച് ജീവപര്യന്തമായി അനുഭവിച്ചാല് മതി. നാലാം പ്രതി മലപ്പുറം സ്വദേശി ജാഫറിലിക്കും മനുഷ്യകടത്തിലുള്ള പങ്ക് തെളിഞ്ഞതിനാല് പത്ത് വര്ഷം തടവും, 25000 രൂപ പിഴയും ശിക്ഷ ചുമത്തി.കേസിലെ ഒന്നാം പ്രതി മുംബൈ സ്വദേശി ജിയാമുള്ള രണ്ടാം പ്രതി ഭാര്യ ഹസ്ന അഞ്ചാം പ്രതി മൈസൂര് സ്വദേശി ഛോട്ടി, ആറാം പ്രതി നിത്യാനന്ദ എന്ന അപ്പു എന്നിവര് ഒളിവിലാണ്.
Comments