ഉത്തർ പ്രദേശിൽ ട്രെിയൻ പാളം തെറ്റി. മഹാകൗശൽ എക്സ്പ്രസിന്‍റെ എട്ട് ബോഗികളാണ് പാളം തെറ്റിയത്. ലക്നോവിൽ നിന്ന് 270കിലോമീറ്റർ അകലെ മഹോബക്കും കുൽപഹാറിനുമിടയില്‍  പുലർച്ചെ രണ്ടു മണിയോടു കൂടിയാണ് അപകടം. അപകടത്തിൽ 18ഒാളം പേർക്ക് പരിക്കേറ്റിട്ടുണ്ടെന്നാണ് റിപ്പോര്‍ട്ടുകള്‍. ആറു പേരുടെ നില ഗുരുതരമാണ്. പരിക്കേറ്റവരെ മഹോബ ജില്ലാ ആശുപത്രിയിൽ പ്രവേശിപ്പിച്ചു. അപകട കാരണം വ്യക്തമായിട്ടില്ല. മധ്യപ്രദേശിലെ ജബൽപൂരിൽ നിന്ന് ഡൽഹിയിലേക്ക് പോകുന്ന ട്രെയിനാണ് അപകടത്തിൽ പെട്ടത്.