കൊച്ചി: ജിഷ്ണു കേസില് ഒളിവില് കഴിയുന്ന രണ്ട് പ്രതികള്ക്കും മുന്കൂര് ജാമ്യം . സിപി പ്രവീണ്, ദിപിന് എന്നിവര്ക്കാണ് മുന്കൂര് ജാമ്യം അനുവദിച്ചിരിക്കുന്നത്.കേരളത്തില് ആരെയും പ്രതിയാക്കാവുന്ന അവസ്ഥയാണെന്ന് കോടതി നിരീക്ഷിച്ചു. കൈയ്യടി നേടാനല്ല നീതിനടപ്പാക്കാനാണ് പൊലീസ് ശ്രമിക്കേണ്ടതെന്ന് കോടതി അഭിപ്രായപ്പെട്ടു. അന്വേഷണ ഉദ്യോഗസ്ഥര് വിവേകത്തോടെ പെരുമാറണമെന്നും കോടതി നിര്ദ്ദേശിച്ചു. കഴിഞ്ഞ ദിവസം അറസ്റ്റിലായ മൂന്നാം പ്രതി ശക്തിവേലിന്റെ ഇടക്കാല ജാമ്യം കോടതി സ്ഥിരപ്പെടുത്തി. ഇതോടെ കേസിലെ അഞ്ച് പ്രതികള്ക്കും ജാമ്യം ലഭിച്ചിരിക്കുകയാണ്.
Comments