ന്യൂഡല്ഹി: മൂന്നാറിലെ കെട്ടിടങ്ങള് അപകടാവസ്ഥയിലാണെന്നും അപകടം ഉണ്ടായാല് രക്ഷാപ്രവര്ത്തനം അസാധ്യമാണെന്നുമുള്ള റിപ്പോര്ട്ട് ചൗധരി പ്രധാനമന്ത്രിക്കു സമര്പ്പിച്ചു.ഇടുങ്ങിയ വഴികളാണ് മൂന്നാറിലേക്കുള്ളത് എന്നത് കൊണ്ട് വലിയ അപകടങ്ങളുണ്ടായാല് രക്ഷാപ്രവര്ത്തനത്തിന് തടസ്സമുണ്ടാകും. രക്ഷാപ്രവര്ത്തനത്തിന് സൈന്യത്തിന് പോലും ലക്ഷ്യസ്ഥാനത്ത് പെട്ടെന്ന് എത്തിപ്പെടാനാവാത്ത സാഹചര്യമാണുള്ളതെന്നും റിപ്പോര്ട്ട് . കേന്ദ്ര സര്ക്കാരിന്റെ നിര്ദേശ പ്രകാരം മൂന്നാറില് സന്ദര്ശനം നടത്തിയ ശേഷമാണ് ചൗധരി റിപ്പോര്ട്ട് നല്കിയത്. മൂന്നാര് അതീവ അപകടാവസ്ഥയിലാണ്. ഇപ്പോഴത്തെ നിലയില് തുടര്ന്നാല് കാര്യങ്ങള് കൈവിട്ട് പോകും. ഉത്തരാഖണ്ഡിലെ പോലെ വലിയ ദുരന്തത്തിനുള്ള സാധ്യതയില്ലെങ്കിലും കെട്ടിടങ്ങള് ഇടിഞ്ഞുവീഴാനുള്ള സാധ്യതയുണ്ടെന്നും റിപ്പോര്ട്ടില് പറയുന്നു.
Comments