കൊട്ടാരക്കര: ഗണേഷ് കുമാറിനെ മന്ത്രിസഭയിലെടുക്കാത്തത് രാഷ്ട്രീയ മര്യാദ ഇല്ലായ്മയെന്ന് കേരള കോണ്ഗ്രസ് ബി ചെയര്മാന് ആര് ബാലകൃഷ്ണപിള്ള. കേരളത്തില് ഏറ്റവുമധികം പ്രശ്നങ്ങളുള്ള മുന്നണിയായി എല്ഡിഎഫ് മാറിയെന്നുംഅദ്ദേഹം പറഞ്ഞു. കഴിഞ്ഞ നിയമസഭ തെരഞ്ഞെടുപ്പില് എല്ഡിഎഫുമായി സഹകരിച്ച കേരള കോണ്ഗ്രസ് ബി പ്രസ്ഥാനത്തിന് അര്ഹിക്കുന്ന പരിഗണന ലഭിച്ചില്ല. സിപിഐയും സിപിഎമ്മും തമ്മില് ഏറ്റുമുട്ടുന്നത് കാണുമ്പോള് കേരളത്തില് ഏറ്റവുമധികം പ്രശ്നങ്ങളുള്ള മുന്നണിയായി എല്ഡിഎഫ് മാറിയെന്ന് തോന്നുമെന്ന് അദ്ദേഹം പറഞ്ഞു. രാഷ്ട്രീയത്തില് 65 വര്ഷം തികച്ച ബാലകൃഷ്ണപ്പിള്ളക്ക് കേരള കോണ്ഗ്രസ് ബി പ്രവര്ത്തകര് നല്കിയ സ്വീകരണത്തില് പ്രസംഗിക്കുകയായിരുന്നു. സ്വീകരണ യോഗം ഇപി ജയരാജന് എംഎല്എ ഉദ്ഘാടനം ചെയ്തു. മകനും എംഎല്എയുമായ കെബി ഗണേഷ് കുമാര്, ഡോ.ഡി ബാബു പോള് എന്നിവര് യോഗത്തില് പങ്കെടുത്തു.
Comments