ഹാദിയ കേസില് പുതിയ വെളിപ്പെടുത്തല്. ഹാദിയയുടെ ഭര്ത്താവ് ഷെഫിന് ജഹാന് വിവാഹത്തിന് മുമ്പ് ഐസിസുമായി ബന്ധമുണ്ടായിരുന്നുവെന്ന് എന്ഐഎ കണ്ടെത്തിയതായി റിപ്പോര്ട്ട്. ഐഎസുമായി ബന്ധപ്പെട്ട കേസുകളില് കുറ്റാരോപിതരായ മന്സീദ്, പി സഫ്വാന് എന്നിവരുമായി എസ്ഡിപിഐയുടെ സംഘടനയായ പോപ്പുര് ഫ്രണ്ട് പ്രവര്ത്തകര് അംഗമായ ഫേസ്ബുക്ക് ഗ്രൂപ്പിലൂടെ ബന്ധപ്പെട്ടിരുന്നതായാണ് എന്ഐഎ അന്വേഷണത്തില് കണ്ടെത്തിയിരിക്കുന്നത്. ഹൈക്കോടതി ജഡ്ജിമാരെയും ഉയര്ന്ന പോലീസ് ഉദ്യോഗസ്ഥരെയും ലക്ഷ്യം വച്ച് ഐസിസുമായി ബന്ധപ്പെട്ട ഗ്രൂപ്പുമായി ചേര്ന്ന് ക്രിമിനല് ഗൂഢാലോചന നടത്തിയ കേസില് ഓക്ടോബറില് എന്ഐഎ ഇവരെ അറസ്റ്റ് ചെയ്തിരുന്നു. 2016 ഡിസംബറിലാണ് ഷെഫിന് ജഹാനും ഹാദിയയും വിവാഹിതരായത്. മന്സീദും എസ്ഡിപിഐ പ്രവര്ത്തകരും ചേര്ന്നാണ് ഇരുവരുടെയും വിവാഹം നടത്തിയതെന്നാണ് എന്ഐഎയുടെ വിലയിരുത്തല്. എസ്ഡിപിഐ സംഘടനാ പ്രവര്ത്തകരുടെ സോഷ്യല് മീഡിയ ഗ്രൂപ്പുകളിലൊന്നായ തണലിലൂടെ ഷെഫിന് ജഹാന് മന്സീദും സഫ്വാനുമായി ബന്ധപ്പെട്ടിരുന്നുവെന്ന് എന്ഐഎ അന്വേഷണത്തില് കണ്ടെത്തിയതായും ദേശീയ മാധ്യമമായ ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നു.
Comments