മതസ്പര്ദ്ധ വളര്ത്തുന്ന സിലബസ് പഠിപ്പിക്കുന്നുവെന്ന പരാതിയെ തുടര്ന്ന് എറണാകുളത്തെ പീസ് ഇന്റര്നാഷണല് സ്ക്കൂള് അടച്ചു പൂട്ടാന് മുഖ്യമന്ത്രി ഉത്തരവിട്ടു. ജില്ലാ കളക്ടറുടെയും വിദ്യഭ്യാസ വകുപ്പിന്റെയും അന്വേഷണ റിപ്പോര്ട്ട് പരിഗണിച്ചാണ് നടപടി.
ഇസ്ലാമിക പ്രഭാഷകനായ എം.എം അക്ബറുടെ നേതൃത്വത്തില് കോഴിക്കോട് കേന്ദ്രമായി പ്രവര്ത്തിക്കുന്ന പീസ് ഫൗണ്ടേഷന് കീഴില് പീസ് ഇന്റര്നാഷണല് എന്ന പേരില് പത്തിലധികം സ്ക്കൂളുകള് കേരളത്തിലുണ്ട്. സര്ക്കാര് നടപടി പീസ് ഫൗണ്ടേഷന്റെ മറ്റു സ്കൂളുകള്ക്കും ബാധകമാകുമോ എന്ന കാര്യത്തില് അടുത്തദിവസം പുറത്തിറങ്ങുന്ന ഉത്തരവില് മാത്രമേ വ്യക്തമാവൂ.
എറണാകുളം ചക്കരപ്പറമ്പിനടുത്ത് പ്രവര്ത്തിക്കുന്ന സ്കൂള് പൂട്ടി വിദ്യാര്ഥികളെ സമീപത്തെ മറ്റു സ്കൂളുകളില് ചേര്ക്കാനാണ് മുഖ്യമന്ത്രി ആവശ്യപ്പെട്ടത്. ഇസ്ലാമിക തീവ്രവാദം പ്രോത്സാഹിപ്പിക്കുന്ന പാഠപുസ്തകങ്ങളാണ് ഇവിടെ പഠിപ്പിക്കുന്നത് എന്നാണ് പരാതി.
Comments