ഗുണനിലവാരമില്ലാത്തിന്റെ പേരില് യോഗാ ഗുരു ബാബ രാംദേവിന്റെ സഹഉടമസ്ഥതയിലുള്ള പതഞ്ജലി ആയുര്വേദയുടെ ആറ് ഉത്പന്നങ്ങള് തിരിച്ചുവിളിക്കാന് നേപ്പാള് സര്ക്കാര് ആവശ്യപ്പെട്ടു. നേപ്പാളിലെ വിവിധ വില്പനശാലകളില്നിന്നുള്ള സാമ്പിളുകള് പരിശോധിച്ചാണ് ഉത്തരാഖണ്ഡില് ഉല്പാദിപ്പിച്ച ആറ് ഉത്പന്നങ്ങള് ഗുണനിലവാരമില്ലാത്തവയാണെന്ന് സര്ക്കാരിന്റെ ആരോഗ്യ വിഭാഗം കണ്ടെത്തിയത്. പതഞ്ജലിയുടെ അമല ചൂര്ണം, ദിവ്യഗഷര് ചൂര്ണം, ബാഹുചി ചൂര്ണം, ത്രിഫല ചൂര്ണം, അശ്വഗന്ധ, അദ്വിയ ചൂര്ണം എന്നിവയാണ് ഗുണനിലവാരമില്ലെന്ന് കണ്ടെത്തിയതിനെ തുടര്ന്ന് പിന്വലിക്കാന് ഉത്തരവിട്ടിരിക്കുന്നത്.
Comments