കേരള രാഷ്ട്രീയത്തെ പിടിച്ചുലച്ച സോളാർ കേസിൽ കമ്മീഷൻ റിപ്പോര്ട്ട് ഇന്ന്. കമ്മീഷമന്റെ കാലാവധി 27ന് അവസാനിക്കാനിരിക്കെ മുഖ്യമന്ത്രി പിണറായി വിജയന് ജസ്റ്റിസ് ജി ശിവരാജൻ റിപ്പോര്ട്ട് കൈമാറുമെന്നാണ് വിവരം . വൈകീട്ട് മൂന്നിനാണ് സോളാര് കമ്മീഷൻ മുഖ്യമന്ത്രിയെ കാണുന്നത്. 216 സാക്ഷികളെ വിസ്തരിക്കുകയും 839 രേഖകൾ പരിശോധിച്ചാണ് റിപ്പോർട്ട് തയ്യാറാക്കുന്നത്. ആറുമാസത്തെ കാലാവധി പലതവണ നീട്ടി മൂന്നര വര്ഷത്തിന് ശേഷമാണ് അന്തിമ റിപ്പോര്ട്ടിലേക്ക് കാര്യങ്ങളെത്തുന്നത്. രാഷ്ട്രീയ കേരളത്തിന്റെ ആകാംക്ഷ മുഴുവൻ റിപ്പോര്ട്ടിലെ പരാമര്ശങ്ങളിലും ശുപാര്ശകളിലുമാണ്. അതേസമയം റിപ്പോര്ട്ട് തയ്യാറാകുന്നതേ ഉള്ളൂ എന്നും നാളെ സമര്പ്പിക്കുമെന്ന് തീര്ത്ത് പറയാനാകില്ലെന്നുമാണ് ജസ്റ്റിസ് ജി ശിവരാജൻ പറയുന്നത്.
Comments