ദേശീയപാതാ വികസനകാര്യത്തില് സ്ഥലമേറ്റെടുത്ത് നല്കാത്ത സംസ്ഥാനസര്ക്കാര് പരാജയമാണെന്ന് ഹൈക്കോടതി. സ്വകാര്യപദ്ധതികള്ക്ക് വന്വേഗത്തില് സ്ഥലം എറ്റെടുത്ത് കൈമാറുന്ന സര്ക്കാര്, പൊതുതാത്പര്യമുള്ള ദേശീയപാതയുടെ കാര്യത്തില് ആ ഉത്സാഹം കാട്ടുന്നില്ലെന്ന് കോടതി കുറ്റപ്പെടുത്തി.
60 മീറ്റര് വീതിയില് സ്ഥലമേറ്റെടുക്കാന് കഴിയില്ലെന്ന് സര്ക്കാര് എങ്ങിനെയാണ് സത്യവാങ്മൂലം നല്കുകയെന്ന് കോടതി ചോദിച്ചു. നിര്ബന്ധിതമായി സ്ഥലമേറ്റെടുക്കാന് നിര്ദ്ദേശിക്കേണ്ടി വരും. ദേശീയപാതയുടെ വീതി 60 മീറ്ററായി നിജപ്പെടുത്താന് കോടതിക്ക് കഴിയുമെന്ന് ഹൈക്കോടതി സൂചിപ്പിച്ചു.
ഭരണകാര്യങ്ങള് ഏറ്റെടുക്കാന് കോടതിക്കാകില്ല. പ്ലസ് ടു അനുവദിച്ചതിലെയും ആറന്മുള പദ്ധതിക്ക് സ്ഥലമേറ്റെടുത്തതിലെയും ശുഷ്കാന്തി ദേശീയപാതാ വികസനത്തിനും കാട്ടണം. ഇതൊക്കെ കര്ശനമായി പറഞ്ഞുകഴിഞ്ഞാല് ജുഡീഷ്യല് ആക്ടിവിസിമെന്ന ആരോപണമുയരുമെന്ന് കോടതി പറഞ്ഞു.
Comments