സംസ്ഥാനത്ത് മതസ്പര്ദ്ധ വളര്ത്തും വിധം പരാമര്ശങ്ങള് നടത്തിയെന്ന പരാതിയില് മുന് പോലീസ് മേധാവി ടി.പി. സെന്കുമാറിനെതിരെ ക്രൈം ബ്രാഞ്ച് അന്വേഷണം. സമകാലിക മലയാളം വാരികയ്ക്ക് നല്കിയ അഭിമുഖത്തില് സെന്കുമാര് നടത്തിയ മുസ്ലീം വിരുദ്ധ പരാമര്ശങ്ങള് വിവാദമായിരുന്നു. സെന്കുമാറിന്റെ അഭിമുഖത്തിനെതിരെ കേസെടുക്കണമെന്ന് ആറു പരാതികള് ഡിജിപി ലോക്നാഥ് ബഹ്റയ്ക്ക് ലഭിച്ചിരുന്നു. ഇതിന്റെ അടിസ്ഥാനത്തില് ഡിജിപി സെന്കുമാരിനെതിരെ കേസ് എടുക്കുന്നത് സംബന്ധിച്ച് നിയമോപദേശം തേടിയിരുന്നു. സെന്കുമാറിനെതിരെ കേസടുക്കാമെന്നാണ് ഡിജിപിക്ക് ലഭിച്ച നിയമോപദേശം. ഇതിന്റെ അടിസ്താനത്തിലാണ് നടപടി. ഡിജിപിക്ക് ലഭിച്ച ആറ് പരാതികള് ക്രൈം ബ്രാഞ്ചിന് കൈമാറി.
Comments