ചികിത്സ നിഷേധിക്കപ്പെട്ടതിനേത്തുടര്ന്ന് തമിഴ്നാട് സ്വദേശി മുരുകന് മരിച്ചതുമായി ബന്ധപ്പെട്ട് കൊല്ലത്തെ ആശുപത്രികളില് ആരോഗ്യ വകുപ്പ് പരിശോധന തുടങ്ങി. മെഡിസിറ്റി, മെഡിസ്ട്രിന, അസീസിയ ആശുപത്രികളിലാണ് പരിശോധന നടന്നത്. ആരോഗ്യ വകുപ്പ് ഡയറക്ടറുടെ നേതൃത്വത്തിലാണ് പരിശോധന നടത്തുന്നത്. ഡോക്ടര്മാരുടേയും ജീവനക്കാരുടേയും മൊഴിയെടുത്തു. അപകടത്തില് പരിക്കേറ്റ മുരുകന് കൊല്ലത്തെ ആശുപത്രികള് മാത്രമല്ല തിരുവനന്തപുരം മെഡിക്കല് കോളേജും ചികിത്സ നിഷേധിച്ചിരുന്നു. സംഭവം വിവാദമായതിനെ തുടര്ന്നാണ് ആരോഗ്യ മന്ത്രി ഉന്നത മെഡിക്കല് സംഘത്തെ നിയോഗിക്കാന് നിര്ദേശിച്ചത്.
Comments