നടിയെ ആക്രമിച്ച കേസില് ദിലീപിന് നേരിട്ട് ബന്ധമുള്ളതായി കൂടുതല് തെളിവുകളുമായി പോലീസ്. നടിയെ ആക്രമിച്ച കേസിലെ മുഖ്യപ്രതി പള്സര് സുനി നടി കാവ്യാ മാധവന്റെ ഉടമസ്ഥതയിലുള്ള 'ലക്ഷ്യ'യിലെത്തിയതായി പോലീസ് പറഞ്ഞു. ചോദ്യം ചെയ്യലിനിടെ ലക്ഷ്യയിലെ ജീവനക്കാരനാണ് ഇക്കാര്യം വെളിപ്പെടുത്തിയത്. കീഴടങ്ങുന്നതിന് തലേ ദിവസമാണ് പള്സര് സുനി സ്ഥാപനത്തിലെത്തിയതെന്നാണ് ജീനവക്കാരന് മൊഴി നല്കിയത്. സുനിയോടൊപ്പം മറ്റൊരു പ്രതിയായ വിജേഷുമുണ്ടായിരുന്നു. ദിലീപുമായി ബന്ധപ്പെടുന്നതിന്റെ ഭാഗമായാണ് സുനി ഇവിടെ എത്തിയതെന്നാണ് പോലീസ് കരുതുന്നത്. ദിലീപിന് ഗൂഡാലോചനയില് പങ്കുണ്ടെന്ന അനുമാനത്തെ സാധൂകരിക്കുന്ന പ്രധാന തെളിവുകളിലൊന്നാണ് ഇത്.
Comments