തൃശൂരിൽ ദേശീയപാത എടമുട്ടത്ത് നടക്കാനിറങ്ങിയ രണ്ട് പേർ മിനി ബസ് ഇടിച്ച് മരിച്ചു. എമുട്ടം പാലപ്പെട്ടി സ്വദേശികളായ കൊടുങ്ങൂക്കാരൻ ഹംസ (70), കൊടുങ്ങൂക്കാരൻ വീരക്കുഞ്ഞി (70) എന്നിവരാണ് മരിച്ചത്. ഇന്ന് രാവിലെ ആറരയോടെയാണ് സംഭവം.കർണാടകയിൽ നിന്ന് തിരുന്നൽവേലിക്ക് പോവുകയായിരുന്ന ബൊമ്മലാട്ടം കലാകാരന്മാർ സഞ്ചരിച്ച ടെംപോ വാനാണ് അപകടത്തിൽ പെട്ടത്. ഹംസയും വീരകുഞ്ഞിയും വഴിയരികിലൂടെ നടക്കുന്നതിനിടെ പിന്നിൽ നിന്നും അമിതവേഗതയിലെത്തിയ വാഹനം ഇടിക്കുകയായിരുന്നു. ഉടൻ തന്നെ ഇരുവരെയും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.