പുലര്ച്ചെ എഴുന്നേല്ക്കാത്ത ഭാര്യയില് നിന്ന് വിവാഹമോചനം അനുവദിക്കണമെന്നാവശ്യപ്പെട്ട് ഭര്ത്താവ് സമര്പ്പിച്ച ഹര്ജി ബോംബെ ഹൈക്കോടതി തള്ളി. ഭര്ത്താവ് ഹര്ജിയില് പറഞ്ഞിരിക്കുന്ന കാരണങ്ങള് ബാലിശമാണെന്നും അവ വിവാഹബന്ധം വേര്പ്പെടുത്താന് തക്കകാരണമല്ലെന്നും കോടതി വിലയിരുത്തി. ഭാര്യ പുലര്ച്ചെ എഴുന്നേല്ക്കുന്നില്ല, സ്വാദിഷ്ഠമായ ആഹാരങ്ങള് പാകം ചെയ്ത് നല്കുന്നില്ല, ജോലി വിട്ട് വന്നാലുടന് കിടന്നുറങ്ങാറുണ്ട് തുടങ്ങിയ കാരണങ്ങള് ചൂണ്ടിക്കാട്ടിയാണ് യുവാവ് വിവാഹോമോചനം അനുവദിക്കണമെന്ന് ഹര്ജി നല്കിയത്. വാദങ്ങള്ക്ക് തെളിവായി നല്കിയത് അയാളുടെ പിതാവിന്റെ സത്യവാങ്മൂലമായിരുന്നു. എന്നാല്, ആരോപണങ്ങള് വാസ്തവവിരുദ്ധമാണെന്ന് തെളിഞ്ഞതിനെത്തുടര്ന്നാണ് കോടതി ഹര്ജി തള്ളിയത്.
Comments