ഗതിനിര്ണയ ഉപഗ്രഹമായ ഐ.ആര്.എന്.എസ്.എസ്. ഒന്ന്-ഐ വിജയകരമായി വിക്ഷേപിച്ചു. പുലര്ച്ചെ 4.04-ന് ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തില് നിന്നായിരുന്നു വിക്ഷേപണം. 36 മണിക്കൂര് നീണ്ട കൗണ്ട്ഡൗണിന് ശേഷമായിരുന്നു വിക്ഷേപണം. ഇന്ത്യയുടെ സ്വന്തം ഗതിനിര്ണയ സംവിധാനം എന്ന ലക്ഷ്യം മുന്നിര്ത്തിയുള്ള 'നാവിക്' പരമ്പരയിലെ എട്ടാമത്തെ ഉപഗ്രഹമാണ് ഐ.ആര്.എന്.എസ്.എസ്. ഒന്ന്-ഐ. പി.എസ്.എല്.വി. എക്സ്.എല്. റോക്കറ്റ് ഉപയോഗിച്ചായിരുന്നു 1,425 കിലോഗ്രാം ഭാരമുള്ള ഉപഗ്രഹത്തിന്റെ വിക്ഷേപണം.
Comments