നരേന്ദ്ര മോദി സര്ക്കാര് അധികാരമേറ്റ ശേഷമുള്ള പാര്ലമെന്റിന്െറ പ്രഥമ സംയുക്തയോഗത്തെ രാഷ്ട്രപതി പ്രണാബ് മുഖര്ജി തിങ്കളാഴ്ച അഭിസംബോധന ചെയ്യും. സെന്ട്രല് ഹാളില് ഇന്ന് 11 മണിക്കാരംഭിക്കുന്ന യോഗത്തില് പുതിയ സര്ക്കാറിന്െറ നയരൂപരേഖ രാഷ്ട്രപതി പ്രഖ്യാപിക്കും. സാമ്പത്തിക-വ്യവസായ വളര്ച്ച ത്വരിതപ്പെടുത്തുന്നതിനും വിലക്കയറ്റവും നാണയപ്പെരുപ്പം തടയുന്നതിനുമുള്ള നടപടികള്ക്കാവും നയപ്രഖ്യാപനത്തില് മുന്ഗണന. അടുത്ത രണ്ടുദിവസങ്ങളില് ഇരുസഭകളും നയപ്രഖ്യാപനം ചര്ച്ച ചെയ്ത് നന്ദി രേഖപ്പെടുത്തും. രാജ്യസഭയില് മുഖ്താര് അബ്ബാസ് നഖ്വിയും ലോക്സഭയില് രാജീവ് പ്രതാപ് റൂഡിയുമാണ് നന്ദി പ്രമേയ ചര്ച്ചക്ക് തുടക്കമിടുക.
Comments