കാര്വാര്: ഇന്ത്യയുടെ സൂപ്പര്സോണിക് ക്രൂയിസ്
മിസൈല് ബ്രഹ്മോസ് വിജയകരമായി പരീക്ഷിച്ചു.
കര്ണാടകയിലെ കാര്വാര് തീരത്ത് നാവികസേനാ
യുദ്ധക്കപ്പലായ ഐ.എന്.എസ് കോല്ക്കത്തയില്
നിന്നാണ് ബ്രഹ്മോസ് വിക്ഷേപിച്ചത്. 290
കിലോമീറ്റര് ദൂരപരിധി മറികടന്ന് മിസൈല്
ലക്ഷ്യസ്ഥാനത്ത് പതിച്ചതായി പ്രതിരോധ വകുപ്പ്
അറിയിച്ചു.
ഇന്ത്യ-റഷ്യ സംയുക്ത സംരംഭമാണ് ബ്രഹ്മോസ്
മിസൈല് പദ്ധതി. കര, നാവിക, വ്യോമ
സേനകള്ക്ക് ഉപയോഗിക്കാവുന്ന തരത്തിലാണ്
ബ്രഹ്മോസിന്െറ രൂപകല്പന. ഇപ്പോള്
നാവികസേനയുടെ യുദ്ധക്കപ്പലുകളില് മിസൈല്
സ്ഥാപിച്ചിട്ടുണ്ട്. വൈകാതെ
അന്തര്വാഹിനികളിലും ബ്രഹ്മോസ്
ഉപയോഗിക്കാന് അനുവാദം നല്കും.
Comments