കോട്ടയം: മന്ത്രിസഭാ പുനഃസംഘടന സംബന്ധിച്ച ചര്ച്ചകള് തുടങ്ങിയിട്ടില്ലെന്നു മുഖ്യമന്ത്രി ഉമ്മന്ചാണ്ടി. ചര്ച്ച നടക്കുമ്പോള് കാര്യങ്ങള് വിശദീകരിക്കും. വിഷയത്തില് കോണ്ഗ്രസിലും യു.ഡി.എഫിലും വിശദ ചര്ച്ച വേണം. കൂടാതെ കോണ്ഗ്രസ് ഹൈക്കമാന്റുമായും വിഷയം ചര്ച്ച ചെയ്യേണ്ടതുണ്ടെന്നും മുഖ്യമന്ത്രി വാര്ത്താലേഖകരോട് പറഞ്ഞു.
മന്ത്രിസഭാ പുനഃസംഘടന കാര്യത്തില് അഭ്യൂഹം നിലനില്ക്കുന്ന സാഹചര്യത്തിലാണ് മുഖ്യമന്ത്രിയുടെ പ്രതികരണം. മന്ത്രിസഭാ പുനഃസംഘടനയെകുറിച്ച് അറിയില്ളെന്ന് കെ.പി.സി.സി അധ്യക്ഷന് വി.എം സുധീരന് ഇന്നലെ വ്യക്തമാക്കിയിരുന്നു. ഉത്തരവാദപ്പെട്ട ആരും ഇങ്ങനെയുള്ള കാര്യങ്ങള് തന്നോട് നേരിട്ട് സംസാരിച്ചിട്ടില്ളെന്നും അദ്ദേഹം പറഞ്ഞിരുന്നു.
Comments