ന്യൂഡല്ഹി: ഹരിയാന നിയമസഭാ തെരഞ്ഞെടുപ്പില് ബി.ജെ.പിക്ക് വേണ്ടി ക്രിക്കറ്റ് താരം യുവരാജ് സിങ് പ്രചാരണം നടത്തും. ബി.ജെ.പി അധ്യക്ഷന് അമിത് ഷായുമായി യുവരാജ് നേരത്തെ കൂടിക്കാഴ്ച നടത്തിയിരുന്നു. യുവരാജിനെ സ്ഥാനാര്ഥിയാക്കാനും ബി.ജെ.പിയില് നീക്കമുണ്ടെന്നാണ് റിപ്പോര്ട്ട്. ഒക്ടോബര് 15നാണ് ഹരിയാനയില് തെരഞ്ഞെടുപ്പ്.
കഴിഞ്ഞ ലോക്സഭ തെരഞ്ഞെടുപ്പില് തിളക്കമാര്ന്ന വിജയമാണ് ഹരിയാനയില് ബി.ജെ.പി നേടിയത്. പത്തില് ഏഴ് സീറ്റിലും ബി.ജെ.പി സഖ്യം വിജയിച്ചു. എന്നാല്, ബി.ജെ.പി ബന്ധം അവസാനിപ്പിച്ച ഹരിയാന ജനഹിത് കോണ്ഗ്രസ് നിയമസഭ തെരഞ്ഞെടുപ്പില് ഒറ്റക്കാണ് മത്സരിക്കുന്നത്.
Comments