തിയേറ്റര്‍ ഉടമകള്‍ വച്ചുനീട്ടിയ പ്രസിഡന്റ്പദവി വേണ്ടെന്ന് നടൻ ദിലീപ്. നടി ആക്രമിക്കപ്പെട്ട കേസില്‍ അറസ്റ്റിലായതിനെ തുടര്‍ന്ന് ദിലീപിനെ തിയേറ്റര്‍ ഉടമകളുടെ സംഘടനയായ ഫിയോക്കില്‍ നിന്ന് പുറത്താക്കിയിരുന്നു. എന്നാല്‍, കേസില്‍ ജാമ്യത്തിലിറങ്ങിയശേഷം സംഘടന പ്രസിഡന്റ് സ്ഥാനം ദിലീപിന് തിരിച്ചുനല്‍കി. ചൊവ്വാഴ്ച കൊച്ചിയില്‍ നടന്ന പ്രത്യേക യോഗത്തിലാണ് പ്രസിഡന്റ് സ്ഥാനം ദിലീപിന് തിരിച്ചുനല്‍കിയത്. എന്നാല്‍, ബുധനാഴ്ച ഈ സ്ഥാനം വേണ്ടെന്ന് അറിയിച്ച് ദിലീപ് ഫിയോക്കിന് കത്തു നല്‍കി. സ്ഥാനമാനങ്ങളൊന്നും വേണ്ട, താനൊരു സാധാരണ അംഗമായി പ്രവര്‍ത്തിക്കാമെന്നാണ് ദിലീപ് കത്തില്‍ പറഞ്ഞത്.