വിമാനത്തിന്റെ ടയര്‍ മാറാന്‍ വേണ്ടി എയര്‍ ഇന്ത്യ യാത്രക്കാര്‍ കാത്തുനില്‍ക്കേണ്ടി വന്നത് ആറു മണിക്കൂര്‍ നേരം. ജയ്പൂരില്‍ നിന്ന് ഡല്‍ഹിയിലേക്ക് പോവാന്‍ തയ്യാറായി നിന്ന 114 യാത്രക്കാരെയാണ് ടയറുമാറ്റം വലച്ചത്. ബുധനാഴ്ച ഉച്ചയ്ക്ക് 1.30ന് പുറപ്പെടേണ്ടിയിരുന്ന വിമാനമാണ് രാത്രി 8 മണിവരെ വൈകിയത്. യാത്രക്ക് തയ്യാറായി എത്തിയവരോട് വിമാനത്തിന്റെ ടയറിന്റെ കാറ്റ് പോയി എന്നാണ് അധികൃതര്‍ ആദ്യം അറിയിച്ചത്. അത് മാറ്റിയ ശേഷം വിമാനം പുറപ്പെടുമെന്നും പിന്നാലെ അറിയിച്ചു.