.jpg)
മയാമി: പതിവിലും വിപരീതമായി കൃത്യം ഒന്‍പതു മണിക്ക് ആരംഭിച്ച ഫോമയുടെ ജനറല്‍ കൗണ്‍സില്‍ വന്‍ പ്രതിനിധി പങ്കാളിത്തംകൊണ്ട് ശ്രദ്ധേയമായി. ദേശീയ കണ്‍വന്‍ഷന്റെ ഭാഗമായി നടത്ത ചര്‍ച്ചയ്ക്കു തുടക്കം കുറച്ച് പ്രസിഡന്റ് ആനന്ദന്‍ നിരവേല്‍ സംസാരിച്ചപ്പോള്‍ രണ്ടു വര്‍ഷത്തെ പ്രവര്‍ത്തന റിപ്പോര്‍ട്ട് ജനറല്‍ സെക്രട്ടറി ഷാജി എഡ്വേര്‍ഡ് അവതരിപ്പിച്ചു. സമ്പൂര്‍ണ റിപ്പോര്‍ട്ട് അടുത്ത മീറ്റിംഗില്‍ അവതരിപ്പിക്കും.
നിരവധി പുതിയ നിര്‍ദേശങ്ങള്‍ ജനറല്‍ കൗണ്‍സിലില്‍ ഉയിര്‍ന്നുവന്നു. റൂമുകള്‍ കിട്ടാത്തതില്‍ പരാതിയുണ്ടായെങ്കിലും ഹോട്ടല്‍ മാനേജ്‌മെന്റുമായി സംസാരിച്ച് വേണ്ടതുചെയ്യാമെന്ന് പ്രസിഡന്റ് ഉറപ്പുനല്‍കി. ഫോമ എന്ന പേരുപോലും അറിയാത്ത നിരവധി ആളുകള്‍ തെരഞ്ഞെടുപ്പില്‍ വെറും സ്ഥാനമാനങ്ങള്‍ക്കുവേണ്ടി മാത്രം മത്സരിക്കുന്നത് കൗണ്‍സിലില്‍ വ്യാപകമായി അംഗങ്ങള്‍ ചൂണ്ടാക്കാട്ടി.
പ്രവര്‍ത്തിച്ചു പരിചയമുള്ളവര്‍ക്കാണ് മത്സരിക്കാന്‍ യോഗ്യത നല്‍കേണ്ടതെന്ന് പൊതു നിര്‍ദ്ദേശം ഉണ്ടായി. മുന്‍ പ്രസിഡന്റുമാരെ ഫോമയുടെ സ്ഥിര ഡെലിഗേറ്റുകളായി കാണണമെന്ന് സജി എബ്രഹാം നിര്‍ദ്ദേശിച്ചു.
ബൈലോയില്‍ പല പുതിയ മാറ്റങ്ങള്‍ കൊണ്ടുവരണമെന്ന് നിര്‍ദേശങ്ങല്‍ ഉയര്‍ന്നെങ്കിലും 30 ദിവസത്തെ നോട്ടിസ് നല്‍കേണ്ടതിനാല്‍ അടുത്ത കൗണ്‍സിലിലേക്ക് മാറ്റി.
ബൈലോയില്‍ മാറ്റംവേണമെന്നാണ് ജനറല്‍ കൗണ്‍സിസില്‍ ഉണ്ടായ ധാരണ.
രണ്ടുമണിക്കൂര്‍ നേരത്തെ ക്രിയാത്മക ചര്‍ച്ചകള്‍ക്കുശേഷം പതിനൊന്നുമണിക്ക് മുഖ്യതെരഞ്ഞെടുപ്പു കമ്മീഷണര്‍ സ്റ്റാന്‍ലി കളരിക്കമുറിയിലിന് അധികാരം കൈമാറി.
.jpg)
.jpg)
.jpg)
.jpg)
.jpg)
Comments