വളർത്ത് മൃഗങ്ങളുടെ നല്ല ആരോഗ്യത്തിന് ശരിയായ ഭക്ഷണ ക്രമീകരണം അത്യാവശ്യമാണ്. എന്തെങ്കിലും ഭക്ഷണങ്ങൾ നൽകുന്നതിനേക്കാളും നല്ല പോഷക ഗുണങ്ങളുള്ള ഭക്ഷണം നൽകുന്നതാണ് നല്ലത്. വളർത്ത് മൃഗങ്ങൾക്ക് ഭക്ഷണം നൽകുമ്പോൾ ഇക്കാര്യങ്ങൾ ശ്രദ്ധിക്കാതെ പോകരുത്.
പ്രോട്ടീൻ ഭക്ഷണങ്ങൾ
നല്ല പ്രോട്ടീൻ ഗുണങ്ങൾ അടങ്ങിയിട്ടുള്ള ഭക്ഷണമാണ് വളർത്ത് മൃഗങ്ങൾക്ക് നൽകേണ്ടത്. ഇറച്ചി, മൽസ്യം, മുട്ട തുടങ്ങിയവയിൽ നിന്നും പ്രോട്ടീന്റെ ഗുണങ്ങൾ ലഭിക്കുന്നു. പോഷക ഗുണങ്ങളുള്ള ഭക്ഷണങ്ങൾ നൽകിയാൽ മൃഗങ്ങൾക്ക് ആരോഗ്യത്തോടെ വളരാൻ സാധിക്കും.
പഴങ്ങളും പച്ചക്കറികളും
പഴങ്ങളും പച്ചക്കറികളും മൃഗങ്ങൾക്ക് കഴിക്കാൻ അത്ര ഇഷ്ടമുള്ളവയല്ല. എന്നിരുന്നാലും ഇതിൽ നിറയെ പോഷക ഗുണങ്ങൾ അടങ്ങിയിട്ടുണ്ട്. ഇത് മൃഗങ്ങൾക്ക് നൽകിനോക്കു.
ബ്ലൂബെറി
ഇതിൽ ആന്റിഓക്സിഡന്റ്സ് അടങ്ങിയിട്ടുണ്ട്. ബ്ലൂബെറി വളർത്ത് മൃഗത്തിന്റെ പ്രതിരോധ ശേഷി വർധിപ്പിക്കുന്നു. ഇത് നായ്ക്കൾക്കും പൂച്ചകൾക്കും കഴിക്കാൻ സാധിക്കുന്നതാണ്.
ആപ്പിൾ
വിറ്റാമിൻ എ, സി, ഫൈബർ എന്നിവ ഇതിൽ അടങ്ങിയിട്ടുണ്ട്. ആപ്പിൾ മൃഗങ്ങളുടെ പല്ല് ഏപ്പോഴും വൃത്തിയോടെയിരിക്കാൻ സഹായിക്കുന്നു. അതേസമയം കഴിക്കുന്നതിന് മുമ്പ് ആപ്പിളിന്റെ കുരു കളയാൻ മറക്കരുത്.
ക്യാരറ്റ്
വളരെ കുറച്ച് കലോറി മാത്രമാണ് ക്യാരറ്റിലുള്ളത്. കൂടാതെ വിറ്റാമിൻ, മിനറൽസ് എന്നിവകൊണ്ടും സമ്പുഷ്ടമാണ് ക്യാരറ്റ്. ഇത് മൃഗങ്ങൾക്ക് ആസ്വദിച്ച് കഴിക്കാൻ സാധിക്കും.
ധാന്യങ്ങൾ
അരി, ഗോതമ്പ്, ഓട്സ് തുടങ്ങിയവ കഴിക്കുന്നത് മൃഗങ്ങൾക്ക് നല്ലതാണ്. ധാന്യങ്ങളിൽ കാർബോഹൈഡ്രേറ്റ് അടങ്ങിയിട്ടുണ്ട്. ഇത് മൃഗങ്ങൾക്ക് കൂടുതൽ ഊർജ്ജം പകരുന്നു.
ഗോതമ്പ്
ഫൈബർ കൊണ്ട് സമ്പുഷ്ടമാണ് ഗോതമ്പ്. ഇത് മൃഗങ്ങളുടെ ദഹന ശേഷി വർധിപ്പിക്കാൻ സഹായിക്കുന്നു.
ഓട്സ്
മൃഗങ്ങളുടെ ചർമ്മത്തിന്റെയും രോമങ്ങളുടെയും ആരോഗ്യം വർധിപ്പിക്കാൻ ഓട്സ് നല്ലതാണ്.
ഇഞ്ചി
ഇഞ്ചിക്ക് ദഹന ശേഷി വർധിപ്പിക്കാൻ സാധിക്കും. ഇത് ദഹന സംവിധാനത്തെ മാത്രമല്ല മൃഗങ്ങളുടെ ആരോഗ്യത്തെ വർധിപ്പിക്കാനും സഹായിക്കുന്നു.
