സമ്പുഷ്ടീകരിച്ച യൂറേനിയം രാജ്യത്ത് നിന്ന് നീക്കം ചെയ്യില്ലെന്ന് വ്യക്തമാക്കി ഇറാന്. ഇറാന് പരമോന്നത നേതാവ് ആയത്തൊള്ള അലി ഖമനെയിയുടെ മുഖ്യ ഉപദേഷ്ടാവ് അലി ഷംഖാനിയാണ് നിലപാട് വ്യക്തമാക്കിയത്. ഇരുരാജ്യങ്ങളും തമ്മില് സംഘര്ഷം തുടരുന്നതിനിടെ, വെള്ളിയാഴ്ച ഇസ്താംബൂളില് അമേരിക്കയുമായി ആണവചര്ച്ചകള് പുനരാരംഭിക്കാനിരിക്കെ ആണ് പ്രഖ്യാപനം.
സമ്പുഷ്ടീകരിച്ച യൂറേനിയം രാജ്യത്തിന് പുറത്തേക്ക് മാറ്റണമെന്നായിരുന്നു അമേരിക്കയുടെ ആവശ്യം. യൂറേനിയം സമ്പുഷ്ടീകരണം 20 ശതമാനം കുറയ്ക്കാമെന്നും, എന്നാല് രാജ്യത്തിന് പുറത്തേക്ക് സമ്പുഷ്ടീകരിച്ച യൂറേനിയം മാറ്റില്ലെന്നും അലി ഷംഖാനി വ്യക്തമാക്കി. ഇക്കാര്യത്തില് ചര്ച്ചകളിലൂടെ ധാരണയില് എത്തണമെന്നും, ഭീഷണിയുടെ സ്വരം വിലപ്പോകില്ലെന്നും അലി ഷംഖാനി വ്യക്തമാക്കി.അമേരിക്കയുമായി ആണവ ചര്ച്ചകളിലേക്ക് കടക്കുമെന്ന് ഇറാന് നേരത്തെ വ്യക്തമാക്കിയിരുന്നു. ഉചിതമായ സാഹചര്യം ഉരുത്തിരിഞ്ഞാല് ചര്ച്ചകള്ക്ക് തയാറാണെന്നും ഇറാന് വിദേശകാര്യ മന്ത്രിയെ ഇതിനായി ചുമതലപ്പെടുത്തിയെന്നും ഇറാന് പ്രസിഡണ്ട് മസൂദ് പെസഷ്കിയാന് തന്നെ വ്യക്തമാക്കി. ഇസ്താംബുളിലായിരിക്കും ചര്ച്ചകള് നടക്കുകയെന്നാണ് സൂചന. ഒമാന് ഖത്തര് തുടങ്ങിയ രാജ്യങ്ങളുടെ ശ്രമ ഫലമായിട്ടാണ് ചര്ച്ചകള് നടക്കാന് പോകുന്നത്.
