ജര്മന് കാർ നിര്മാതാക്കളായ ഫോക്സ്വാഗണ് അവരുടെ ജനപ്രിയ മോഡലായ ടൈഗണിന്റെ പുതുക്കിയ പതിപ്പ് ഏപ്രില് ഒന്പതിന് ഇന്ത്യന് വിപണിയില് അവതരിപ്പിക്കുമെന്ന് റിപ്പോർട്ട്. ഏപ്രിൽ 9ന് ടൈഗണിന്റെ ഫെയ്സ് ലിഫ്റ്റ് പതിപ്പ് പുറത്തിറക്കുമെന്നാണ് കമ്പനി വ്യക്തമാക്കിയിരിക്കുന്നത്. 2021ലാണ് ഫോക്സ്വാഗൺ ടൈഗൺ ഇന്ത്യയിൽ ആദ്യമായി പുറത്തിറക്കിയത്. ഇതിന്റെ ആദ്യത്തെ അപ്ഡേറ്റായിരിക്കും ഇത്. വരാനിരിക്കുന്ന ഫോക്സ്വാഗൺ ടൈഗൺ ഫെയ്സ്ലിഫ്റ്റിൽ എന്തൊക്കെ മാറ്റങ്ങൾ ഉണ്ടായിരിക്കുമെന്ന് പരിശോധിക്കാം.
ടൈഗണ് ഫെയ്സ് ലിഫ്റ്റില് കണക്റ്റഡ് എല്ഇഡി ഡിആര്എല്ലുകളും പ്രകാശിത ലോഗോയും ഉള്ള പുതുക്കിയ ഫ്രണ്ട് ഫാസിയ ഉണ്ടാകുമെന്ന് പ്രതീക്ഷിക്കുന്നു. പുതുക്കിയ ടെയില് ലാമ്പുകള് ഉള്പ്പെടെ റിയര് പ്രൊഫൈലിലെ സൂക്ഷ്മമായ അപ്ഡേറ്റുകള്ക്കൊപ്പം പുതിയ അലോയ് വീല് ഡിസൈനുകളും ഇതിന് ലഭിച്ചേക്കാം. കൂടാതെ, പുതിയ എക്സ്റ്റീരിയര് കളര് ഓപ്ഷനുകളും അവതരിപ്പിക്കാന് സാധ്യതയുണ്ട്.
ടൈഗൺ ഫെയ്സ്ലിഫ്റ്റിൽ 10.1 ഇഞ്ച് ഡിജിറ്റൽ ഇൻഫോടെയ്ൻമെന്റ് സിസ്റ്റവും 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഉണ്ടാകുമെന്ന് പ്രതീക്ഷിക്കുന്നു. പവേർഡ് ഫ്രണ്ട് സീറ്റുകൾ, ഉയർന്ന വേരിയന്റുകളിൽ പനോരമിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ എന്നിവയാണ് മറ്റ് സവിശേഷതകൾ.
ടൈഗണ് ഫെയ്സ്ലിഫ്റ്റില് നിലവിലുള്ള 1.0 ലിറ്റര്, 1.5 ലിറ്റര് TSI പെട്രോള് എന്ജിനുകള് നിലനിര്ത്താന് സാധ്യതയുണ്ട്. എന്നിരുന്നാലും, 1.0 ലിറ്റര് യൂണിറ്റിന് നിലവിലുള്ള ആറ് സ്പീഡ് ടോര്ക്ക് കണ്വെര്ട്ടറിന് പകരമായി പുതിയ എട്ട് സ്പീഡ് ഓട്ടോമാറ്റിക് ഗിയര്ബോക്സ് ലഭിക്കാന് സാധ്യതയുണ്ട്. വിലയില് നിലവിലെ 11.42 ലക്ഷം രൂപ എന്ന പ്രാരംഭ വിലയേക്കാള് നേരിയ വര്ധന പ്രതീക്ഷിക്കുന്നു.
