ചൂട് കനത്തതോടെ ശരീരത്തിലെ ജലാംശം വറ്റിപ്പോകുന്ന അവസ്ഥയാണ്. ഈ കാലാവസ്ഥയിൽ ശരീരത്തെ ചൂടാക്കുന്ന പച്ചക്കറികൾ ഒഴിവാക്കാനാണ് ആരോഗ്യവിദഗ്ധർ നൽക്കുന്ന നിർദേശം. ശരീരം ചൂടായാൽ രക്തയോട്ടം വർധിക്കുകയും അത് പലതരത്തിലുള്ള അസുഖങ്ങളിലേക്കും മാറുകയും ചെയ്യും. അതിനാൽ ചൂട് കൂടുന്ന പച്ചക്കറികൾ പരമാവധി ഒഴിവാക്കണം.
ഇഞ്ചി, വെളുത്തുള്ളി, ചീര, ക്യാരറ്റ് എന്നിവ ജലാംശം ആഗിരണം ചെയ്യുന്നതിനാൽ ശരീരം പെട്ടെന്ന് ചൂടാകുന്നു. വേനൽ കാലത്ത് ഇത്തരത്തിലുള്ള പച്ചക്കറികളുടെ ഉപയോഗം കുറയ്ക്കണം. നന്നായി ജലാംശം നിലനിർത്തുന്ന കുമ്പളങ്ങ, മത്തങ്ങ എന്നിവയുടെ ഉപയോഗം കൂട്ടുകയും ചെയ്യുക. മുളകിൻ്റെ അമിത ഉപയോഗം കുറയ്ക്കണം. തണ്ണീമത്തൻ, മുന്തിരി, പൈനാപ്പിൾ പോലുള്ള പഴവർഗങ്ങൾ ജൂസായോ,അല്ലാതെയോ കഴിക്കുക.
