ന്യൂയോര്ക്കിന്റെ ക്യാപിറ്റലായ ആല്ബനിയിലെ മലയാളികളുടെ കൂട്ടായ്മയായ ദ ക്യാപിറ്റല് ഡിസ്ട്രിക്ട് മലയാളി അസോസിയേഷന്റെ 2026ലെ ഈസ്റ്റര്-വിഷു ആഘോഷങ്ങള് വിവിധ കലാപരിപാടികളോടെ നടത്തപ്പെട്ടു. ഏപ്രില് 18 ഉച്ചയ്ക്ക് 12 മണിക്ക് തുടങ്ങി വൈകീട്ട് 6 മണി വരെ ജര്മന്-അമേരിക്കന് ക്ലബിന്റെ ബാക്വിറ്റ് ഹാളില് വച്ചാണ് നടത്തപ്പെട്ടത്.
പ്രസിഡന്റ് ജിജി കുര്യന്, വൈസ് പ്രസിഡന്റ് മൃദുല മണികണ്ഠന്, സെക്രട്ടറി മെറിന് ജോസഫ്, ട്രഷററര് സാന്തനു നായര്, കമ്മിറ്റി അംഗങ്ങളായ സെനോ ജോസഫ്, ശ്രുതി ഗോപിനാഥ്, അലന് മുരിക്കന്, ശ്വേത ജോസ്, ബിജിത് കുമാര് പി.എം എന്നിവര് പരിപാടികള്ക്ക് നേതൃത്വം നല്കി.
നട്യശാസ്ത്ര സ്കൂള് ഓഫ് ഡാന്സ് അവതരിപ്പിച്ച ഭരതനാട്യം, നേറ്റിവിറ്റി സ്കിറ്റ്, ജൂലിയാന ജേക്കബ്, ശ്രുതി സുബിന്, വാരിഷ് ശേഖര് എന്നിവരുടെ ക്ലാസിക്കല് ഡാന്സ്, വിഷു സ്കിറ്റ്, അഞ്ജന പ്രദീപ് അവതരിപ്പിച്ച മോഹിനിയാട്ടം, സിനിമാറ്റിക് ഡാന്സ്, മരീന അലക്സാണ്ടര് അവതരിപ്പിച്ച കഥക്, വിവിധ ക്ലാസിക് ഡാന്സുകളും പാട്ടുകളുമായി നിരവധി പ്രോഗ്രാമുകള് ഉണ്ടായിരുന്നു.
മെറിന് മേരി ജോസഫ് നന്ദി പ്രകാശിപ്പിച്ചു. ചാള്സ് മാര്ക്കോസും ആരതി നായരും എം.സിമാരുമായിരുന്നു.
