ലിങ്കുസാമി സംവിധാനം ചെയ്യുന്ന സണ്ടക്കോഴി 2 വിന്റെ ഷൂട്ടിങ്ങിന്റെ അവസാന ദിന ആഘോഷങ്ങള്‍ക്കിടെ നടി കീര്‍ത്തി സുരേഷ് സെറ്റിലെ എല്ലാവരെയും അമ്ബരിപ്പിച്ചു. കീര്‍ത്തി സ്വര്‍ണ്ണ നാണയങ്ങള്‍ സമ്മാനിച്ചു കൊണ്ട് ആഘോഷത്തില്‍ ചേര്‍ന്നു.സണ്ടകോഴി എന്ന വിശാലിന്റെ സൂപ്പര്‍ഹിറ്റ് ചിത്രത്തിന്റെ രണ്ടാം ഭാഗമാണ് സണ്ടക്കോഴി 2. സംവിധായകനും നായകനും ഉള്‍പ്പടെ സെറ്റിലെ 150ഓളം ആളുകള്‍ക്കാണ് ഒരു ഗ്രാം ഗോള്‍ഡ് കോയിന്‍ നടി സമ്മാനമായി നല്‍കിയത്. അവസാനദിവസം നായകനേക്കാള്‍ കീര്‍ത്തിക്കൊപ്പം സെല്‍ഫി എടുക്കാനും പരിചയപ്പെടാനുമാണ് സെറ്റിലുള്ളവര്‍ ഓടിയെത്തിയത്. ചിത്രം ഒക്ടോബര്‍ 18 നു തീറ്ററുകളിലേക്ക് എത്തും.