ജയറാമിന്റെ ജീപ്പ് അപകടത്തില്‍ പെട്ടുവെന്ന തരത്തില്‍ സോഷ്യല്‍ മീഡിയയില്‍ പ്രചരിക്കുന്ന വീഡിയോ തന്റേതല്ലെന്ന് നടന്‍ ജയറാം പ്രതികരിച്ചു. വീഡിയോയില്‍ കാണുന്ന ദൃശ്യങ്ങളിലുള്ളത് താനല്ലെന്നും വീഡിയോ പ്രചരിച്ചപ്പോള്‍ അത് കണ്ട ആര്‍ക്കെങ്കിലും അതിലിരിക്കുന്ന ആള്‍ക്ക് താനുമായി സാദൃശ്യമുള്ളതായി തോന്നിയതാകാമെന്നും അങ്ങനെ പ്രചരിച്ച ഈ വാര്‍ത്ത തികച്ചും അടിസ്ഥാനരഹിതമാണെന്നും ഫെയ്‌സ്ബുക്കില്‍ പോസ്റ്റ് ചെയ്ത വീഡിയോയിലൂടെ നടന്‍ വ്യക്തമാക്കി.

കഴിഞ്ഞ മൂന്ന് ദിവസങ്ങളിലായി ഫെയ്‌സ്ബുക്കിലും വാട്‌സാപ്പിലുമൊക്കെ ഈ വീഡിയോ ഞാനും കാണുന്നുണ്ട്. എന്നാല്‍ എനിക്കെന്തോ അപകടം പറ്റിയെന്ന് വിചാരിച്ച്‌ ധാരാളം ആളുകള്‍ വിളിക്കാന്‍ തുടങ്ങി. അപ്പോഴാണ് ഇതിന്റെ സത്യാവസ്ഥ വെളിപ്പെടുത്താന്‍ എനിക്ക് ഒരു ഫെയ്‌സ്ബുക്ക് വീഡിയോ പോസ്റ്റ് ചെയ്യേണ്ടി വന്നത്. എന്തായാലും ആ വീഡിയോയിലുള്ളത് ഞാനല്ല.