ചാനല് പരിപാടിയില്‍ നയര്‍താരയെക്കണ്ട് പൊട്ടിക്കരയുന്ന ആരാധകന്റെ വീഡിയോയാണ് സമൂഹമാധ്യമങ്ങളില്‍ ഇപ്പോള്‍ വൈറലാകുന്നത്. തീയറ്ററുകളില്‍ വിജയകരമായി മുന്നേറുന്ന കൊലമാവ് കോകിലയുടെ പ്രമോഷന്റെ ഭാഗമായി ചാനല് പരിപാടിയില്‍ പങ്കെടുക്കവെയാണ് ആരാധകന്റെ സ്നേഹം കണ്ട് താരം തന്നെ അമ്ബരന്നത്.
നയന്‍താരയെ സ്റ്റേജില്‍ തൊട്ടടുത്ത് കണ്ട സന്തോഷത്തില്‍ പൊട്ടിക്കരയുകയായിരുന്നു യുവാവ്. അയാളുടെ കയ്യില്‍ തന്റെ പേര് പച്ചകുത്തിയിരിക്കുന്നത് കണ്ടതും നയന്‍താരയും അതിശയിച്ചു. പിന്നെ ആരാധകനരികിലെത്തി ആശ്വസിപ്പിക്കുകയായിരുന്നു ലേഡി സൂപ്പര്‍ സ്റ്റാര്‍ നയന്‍സ്.
നവാഗതനായ നെല്‍സണ്‍ തിരക്കഥയും സംവിധാനവും ചെയ്യുന്ന കൊലമാവ് കോകില ലൈക്ക പ്രൊഡക്ഷന്‍സ് ആണ് നിര്‍മിക്കുന്നത്. മയക്കുമരുന്നുമായി ബന്ധപ്പെട്ട കഥയാണ് ചിത്രം പറയുന്നത്. ചിത്രത്തിലെ ഗാനങ്ങളെല്ലാം ഇതിനോടകം ഹിറ്റായിക്കഴിഞ്ഞു. ശരണ്യ പൊന്‍വണ്ണന്‍, ആര്‍.എസ് ശിവാജി, ശരവണന്‍, രാജേന്ദ്രന്‍, ഹരീഷ പേരടി എന്നിവരാണ് ചിത്രത്തിലെ പ്രധാന താരങ്ങള്‍.
Comments