തെന്നിന്ത്യയുടെ ലേഡി സൂപ്പര്‍സ്റ്റാര്‍ ആണ് നയന്താര. ഒരിടവേളയ്ക്കു ശേഷം രാജാറാണി എന്ന ചിത്രത്തിലൂടെ തിരിച്ചുവരവ് നടത്തിയ നടി പിന്നീടങ്ങോട്ട് ശ്രദ്ധേയ വേഷങ്ങളാണ് സിനിമകളില്‍ ചെയ്തിരുന്നത്. എല്ലാം ഒന്നിനൊന്ന് മികച്ചത്.
അടുത്തിടെ മലയാളികളുടെ സ്വന്തം ദുല്‍ഖര്‍ സല്‍മാന്‍ നയന്‍താരയെക്കുറിച്ച്‌ പറഞ്ഞത് സമൂഹമാധ്യമങ്ങളില്‍ വൈറലായിരിക്കുകയാണ്. ചെന്നൈയില്‍ നടന്ന ഒരു അവാര്‍ഡ് ദാനച്ചടങ്ങില്‍ വെച്ചാണ് ദുല്‍ഖര്‍ നയന്‍സിനെ കുറിച്ച്‌ തുറന്ന് പറഞ്ഞിരിക്കുന്നത്.
അവാര്‍ഡ് ചടങ്ങിനിടെ ഇരുവരും ഒരുമിച്ച്‌ വേദി പങ്കിട്ടിരുന്നു. നടിയെ ഇപ്പോള്‍ കാണുമ്ബോള്‍ ഏത് ഡയലോഗാണ് മനസില്‍ വരുന്നതെന്ന് അവതാരകന്‍ ദുല്‍ഖറിനോട് ചോദിച്ചിരുന്നു. രാജാറാണിയാണ് തന്റെ ഇഷ്ട ചിത്രമെന്നും ചിത്രത്തില്‍ ജയ് പറഞ്ഞ ഡയലോഗാണ് നയന്‍സിനോട് പറയാന്‍ ആഗ്രഹിക്കുന്നതെന്നുമാണ് ദുല്‍ഖര്‍ ഇതിന് മറുപടിയായി പറഞ്ഞത്.
രാജാറാണിയിലെ ഡയലോഗ് നയന്‍സിനോട് പറഞ്ഞ ദുല്‍ഖര്‍ തുടര്‍ന്ന് നടിയെ പ്രശംസിച്ചത് ചടങ്ങില്‍ ശ്രദ്ധേയമായിരുന്നു."ഐ ലവ് യൂ നയന്താര, നിങ്ങളുടെ വര്‍ക്ക് ഞാന്‍ ഒരുപാട് ഇഷ്ടപ്പെടുന്നു.! ഒരുപാടു കാലമായി നിങ്ങളുടെ വലിയ ആരാധകരില്‍ ഒരാളാണ് ഞാന്‍. നയന്‍സിനെ നോക്കി ദുല്‍ഖര്‍ പറഞ്ഞു
പുരസ്‌കാര ചടങ്ങില്‍ മികച്ച നടിയായി തിരഞ്ഞെടുക്കപ്പെട്ടത് നയന്‍താരയായിരുന്നു. അറം എന്ന ചിത്രത്തിലെ ഗംഭീര പ്രകടനത്തിനായിരുന്നു നടിയെ തേടി പുരസ്‌കാരമെത്തിയിരുന്നത്. ദുല്‍ഖര്‍ സല്‍മാനായിരുന്നു നയന്‍താരയ്ക്ക് അവാര്‍ഡ് നല്‍കിയത്. ഇതിനായി വേദിയില്‍ എത്തിയപ്പോഴായിരുന്നു ദുല്‍ഖറിന്റെ മറുപടി.
Comments