നിരവധി തവണ ബോഡി ഷെയിമിങ് ഏറ്റുവാങ്ങിയ നടിയാണ് വിദ്യാബാലന്‍. എന്നാല്‍ തന്റെ ശരീരത്തെക്കുറിച്ച്‌ ആരും കമന്റ് പറയുന്നത് താരത്തിന് ഇഷ്ടമല്ല. സ്വന്തം ശരീരത്തെ കുറിച്ച്‌ ഒരിക്കലും നാണക്കേട് തോന്നിയിട്ടെല്ലെന്നും അതിന്റെ പേരില്‍ വരുന്ന സംസാരങ്ങളെക്കുറിച്ച്‌ ഭയപ്പെടുന്നില്ലെന്നും നടി തുറന്നടിച്ചു.

 

 

 

പ്രസവശേഷം ശരീരഭാരം കൂടിയ ബോളിവുഡ് താരങ്ങളായ ഐശ്വര്യ റായിയും കരീന കപൂറും ശില്‍പ ഷെട്ടിയുമൊക്കെ സമാനമായ രീതിയില്‍ വിമര്‍ശിക്കപ്പെട്ടിരുന്നു. പരിനീതി ചോപ്ര, സോനാക്ഷി സിന്‍ഹ എന്നിവരും സീറോ സൈസ് നായികമാരല്ലാത്തതിന്റെ പേരില്‍ കേട്ട കളിയാക്കലുകള്‍ തുറന്നു പറഞ്ഞിരുന്നു. എന്നാല്‍ മെലിഞ്ഞ നായികമാരെയും സോഷ്യല്‍ മീഡിയയില്‍ ട്രോളിയിട്ടുണ്ട്. തന്റെ മെലിഞ്ഞ ശരീരത്തിന്റെ പേരില്‍ ഒരുപാട് കളിയാക്കലുകള്‍ കേട്ടിട്ടുണ്ടെന്ന് നടി ഇല്യാന ഡിക്രൂസ് മുമ്ബ് പറഞ്ഞിരുന്നു.

 

 

 

തടിച്ചി വിളി കേള്‍ക്കുന്നത് എന്നെ സംബന്ധിച്ചിടത്തോളം പുതിയ കാര്യമല്ല. എന്നാല്‍ എന്റെ ശരീരത്തെക്കുറിച്ച്‌ മറ്റുള്ളവര്‍ സംസാരിക്കുന്നത് എനിക്കിഷ്ടമല്ല. ആളുകളുടെ തലച്ചോറിനെക്കുറിച്ച്‌ നമ്മള്‍ സംസാരിക്കാറില്ല, കാരണം അത് വിപണി മൂല്യമുള്ള ഒന്നല്ല വിദ്യാബാലന്‍ ആഞ്ഞടിച്ച്‌ പറഞ്ഞു.

 

 

 

പുതിയ ചിത്രമായ ഫെന്നി ഖാന്റെ പ്രചരണവേളയിലാണ് താരം വിമര്‍ശകര്‍ക്കെതിരെ തുറന്നടിച്ചത്. തടി കൂടുതലുള്ള പെണ്‍കുട്ടിയുടെ കഥ പറയുന്ന ചിത്രമാണ് ഫെന്നി ഖാന്‍. എവിടെപ്പോയാലും, എല്ലാ ആളുകളും ശരീരത്തെക്കുറിച്ച്‌ ഏറെ ബോധവാന്മാരാണ്.