സംവിധായകനും നടനും ഗായകനുമായ വിനീത് ശ്രീനിവാസന് ഇഷ്ടം പൃഥ്വിരാജിനെ. ഫേസ്ബുക്കിലൂടെ ആരും ചോദിക്കാതെ തന്നെയാണ് വിനീത് തങ്ങളുടെ തലമുറയില്‍ തന്റെ ഇഷ്ടതാരം പൃഥ്വിരാജാണെന്ന കാര്യം വ്യക്തമാക്കിയത്.

പൃഥ്വിരാജാണ് എന്റെ ഇഷ്ടതാരം. തന്നോടൊപ്പമുള്ള സഹപ്രവര്‍ത്തകരെ നല്ല ചിത്രങ്ങളുടെയും അഭിനയത്തിന്റെയും പേരില്‍ വിളിച്ച് പ്രശംസിക്കാന്‍ മടികാണിയ്ക്കാത്ത താരമാണ് അദ്ദേഹം. സിനിമയിലെ പുതുമുഖങ്ങളെ വരെ പ്രശംസിക്കേണ്ടിവന്നാല്‍ അതു ചെയ്യാന്‍ അദ്ദേഹം മടിക്കാറില്ല- വിനീത് പറയുന്നു.