തന്‍റെ സിനിമകള്‍ മലയാളികളെയും തൃപ്തിപ്പെടുത്തണമെന്ന ആഗ്രഹത്തോടെയാണ് ഒരുക്കുന്നതെന്ന് തമിഴ് സൂപ്പര്‍സ്റ്റാര്‍ സൂര്യ. കേരളത്തിലും ആന്ധ്രയിലും ഹിന്ദിയിലും വിദേശത്തും എന്‍റെ സിനിമകള്‍ക്ക് മികച്ച മാര്‍ക്കറ്റുണ്ട്. ഇവിടെയെല്ലാമുള്ള പ്രേക്ഷകരുമായി സംവദിക്കുന്നതും അവരെയെല്ലാം തൃപ്തിപ്പെടുത്തുന്നതുമായിരിക്കണം എന്‍റെ സിനിമകളുടെ ഉള്ളടക്കവും അവതരണവും. അതുകൊണ്ടുതന്നെ അത് വലിയ ഉത്തരവാദിത്തമാണ് - ഒരു ഇംഗ്ലീഷ് മാധ്യമത്തിന് അനുവദിച്ച അഭിമുഖത്തില്‍ സൂര്യ വ്യക്തമാക്കി.

കേരളത്തിലും തനിക്ക് ഏറെ ആരാധകരുണ്ടെന്നും അവരെയെല്ലാം തൃപ്തരാക്കുന്ന രീതിയില്‍ സിനിമകള്‍ തെരഞ്ഞെടുക്കുക എന്നത് വലിയ ഉത്തരവാദിത്തമാണെന്നും സൂര്യ പറയുന്നു.