ഒരു ഗൈനക്കോളജിസ്റ്റിന്റെയും അവരുടെ രോഗികളുടെയും കഥ പറയുന്ന സക്കറിയയുടെ ഗര്‍ഭിണികള്‍ എന്ന സിനിമയില്‍ അഭിനയിക്കുന്ന അഞ്ജു നടികളില്‍ ആശാശരത് മാത്രമാണ് സിനിമയിലെ ഗര്‍ഭിണിയല്ലാത്ത ഏക കഥാപാത്രം.റിമ കല്ലിങ്ങല്‍ സിനിമയില്‍ ഗര്‍ഭിണിയായി അഭിനയിക്കുന്നു. റിമ കല്ലിങ്ങലിനു പുറമേ ഗീത, സനുഷ , സാന്ദ്രാ തോമസ്‌ എന്നിവരാണ് ഗര്‍ഭിണികളായി അഭിനയിക്കുന്ന മറ്റു നടികള്‍. അനീഷ്‌ അന്‍വര്‍ ആണ് സംവിധായകന്‍. സിനിമയുടെ പേര് സൂചിപ്പിക്കുന്നത് പോലെ ഇതൊരു നായികാ പ്രാധാന്യമുള്ള സിനിമയാണ്. ലാല്‍ ആണ് ഡോക്ടറുടെ റോളില്‍ എത്തുന്നത്. കാസര്‍ഗോഡ്‌ നിന്നും കൊച്ചിയില്‍ വന്നു ജീവിക്കുന്ന ഫാത്തിമ എന്ന നേര്സിന്റെ വേഷമാണ് റിമക്ക്. സനുഷ ഒരു പ്ലസ്‌ ടു വിദ്യാര്‍ഥിയായും ഗീത 52 വയസ്സുള്ള സിസ്റ്ററായും സാന്ദ്ര സിനിമ നിര്‍മാതാവായും ചിത്രത്തില്‍ വേഷമിടുന്നു. ചിത്രത്തില്‍ ലാലിന്‍റെ ഭാര്യയുടെ വേഷമാണ് ആശക്ക്.
Comments