''ഒന്നാം തീയതി നമ്മുടെ സിനിമ റിലീസാകുകയാണ്, ഡ്രാമാ. വളരെക്കാലത്തിന് ശേഷം ഞാന്‍ ചെയ്യുന്നൊരു ഹ്യൂമര്‍ കൂടുതലുള്ളൊരു സിനിമയാണ്. മാത്രമല്ല, അതില്‍ വിലപ്പെട്ടൊരു സന്ദേശം കൂടിയുണ്ട്. കാണൂ, അഭിപ്രായം അറിയിക്കൂ, എല്ലാരുമൊന്ന് കൂടെ നിന്നേക്കണേ. ട്ടോ'' രജ്ഞിത്- മോഹന്‍ലാല്‍ കൂട്ടുകെട്ടില്‍ പുറത്തിറങ്ങുന്ന ഏറ്റവും പുതിയ സിനിമയുടെ റിലീസിംഗ് വിശേഷവുമായി എത്തുകയാണ് മോഹന്‍ലാല്‍. വര്‍ഷങ്ങള്‍ക്ക് ശേഷം മോഹന്‍ലാല്‍ ഹ്യൂമര്‍ ചെയ്യുന്നു എന്നതാണ് ഈ സിനിമയുടെ എടുത്തു പറയേണ്ട പ്രത്യേകത. കേരളപ്പിറവി ദിനത്തില്‍ കേരളത്തിലെ 250 തിയേറ്ററുകളിലാണ് ഈ ചിത്രം റിലീസിംഗിനായി ഒരുങ്ങുന്നത്.
വര്‍ണചിത്ര ഗു‍ഡ്ലൈന്‍ പ്രൊഡക്ഷന്‍സ് ആന്റ് ലില്ലി പാഡ് മോഷന്‍ പിക്ച്ചേഴ്സ് യു.കെ. ലിമിറ്റഡിന്റെ ബാനറില്‍ എം. കെ. നാസര്‍, മഹാസുബൈര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഛായാഗ്രഹണം നിര്‍വ്വഹിക്കുന്നത് അഴകപ്പനാണ്. ആശാ ശരത്, രണ്‍ജി പണിക്കര്‍, സുരേഷ് കൃഷ്ണ, ദിലീഷ് പോത്തന്‍, ശ്യാമപ്രസാദ്, ജോണി ആന്റണി, ബൈജു, കനിഹ, അരുദ്ധതി നാഗ്, ബേബി ലാറ എന്നിവരാണ് ഈ ചിത്രത്തില്‍ മറ്റ് അഭിനേതാക്കളായി എത്തുന്നത്.
Comments