തിരുവനന്തപുരം: 108 ആംബുലന്‍സ് സര്‍ക്കാരില്‍നിന്ന് വന്‍ തുക തട്ടിയെടുക്കുന്നുവെന്ന ആരോപണത്തെക്കുറിച്ച് വിജിലന്‍സ് അന്വേഷണത്തിന് മുഖ്യമന്ത്രി ഉത്തരവിട്ടു. 6000 കിലോമീറ്റര്‍ വരെ ആംബുലന്‍സുകള്‍ അധിക സര്‍വീസ് നടത്തുന്നുവെന്നും ആരോപണം ഉയര്‍ന്നിരുന്നു. ആംബുലന്‍സുകള്‍ അനധികൃതമായി ഓടിച്ച് അന്വേഷിക്കാനാണ് ഉത്തരവ്.മുംബൈ ആസ്ഥാനമായ സികിത്സ ഹെല്‍ത്ത് കെയര്‍ എന്ന കമ്പനിക്കാണ് സംസ്ഥാനത്ത് തിരുവനന്തപുരം, ആലപ്പുഴ ജില്ലകളില്‍ 108 ആംബുലന്‍സിന്റെ നടത്തിപ്പ് ചുമതല.ഇതേക്കുറിച്ച് അന്വേഷണം വേണമെന്ന് പ്രതിപക്ഷ നേതാവ് വി.എസ്.അച്യുതാനന്ദനും മുഖ്യമന്ത്രിയുടെ സാമ്പത്തിക ഉപദേഷ്ടാവുമായ ഷാഫി മേത്തറും ആവശ്യപ്പെട്ടിരുന്നു. ഇതേത്തുടര്‍ന്നാണ് വിജിലന്‍സ് അന്വേഷണം . ഷാഫി മേത്തര്‍, കേന്ദ്രമന്ത്രി വയലാര്‍ രവിയുടെ മകന്‍ കൃഷ്ണ, പി. ചിദംബരത്തിന്റെ മകന്‍ കാര്‍ത്തിക് ചിദംബരം എന്നിവര്‍ ചേര്‍ന്ന് നടത്തുന്ന സികിത്സ ഹെല്‍ത്ത് കെയര്‍ എന്ന കമ്പനിക്ക് സര്‍ക്കാര്‍ വഴിവിട്ട് സഹായം നല്‍കുന്നുവെന്നായിരുന്നു പ്രതിപക്ഷ നേതാവ് വി.എസ്.അച്യുതാനന്ദന്റെ ആരോപണം.